كلمات تتر مسلسل فرعون النهاية ٢٠١٣
عاد التاريخ نفسه و رجع
و بنتبع نفس السنن ورا اي واحد نتبعله
و في ناس تحب تعيش خدم و تموت خدم
و ان راح صنم بتجيب صنم و بتركعله
فرعون رجع تاني سلطانه
دا عينيه و دا ايديه و لسانه
و كمان وراه منه همانه بيشتريله وبيبعله
راجع و راجعه معاه كمان حاشيه
واقفه الحياه و بيقولوا ماشيهه
وان قال على الأبيض فوشيا
بيوفقوا و يخافوا من زعله
عاره و مفيش بعداها عاره
واحد سايق ناس بإشاره
وان حط في صوابعه سجاره
تمنين ايدين بتولعله
فرعون ومعجون شيطنه
و الفرعنه لعبه ياما مارسها و دارسها و درسها
مهوس بحب السيطره و في الافتراه
منهاج و عاش بالمسطره بيأسسها
و الفرعنه عباره عن مهنه
و ليها ندها تندهنا
و ليها سحره و ليها كهنه
و ليها عرش مستني وريثها
و يا تبقى واحد من ناسها
او من خدم او ابليسها
يا فوشها ترمي عصيتك
و تبقى موسى و تخلصها
يا تعيش حياتك على كيفك
و تعيش زمن من تأليفك
و يا تنسى تستنى رغيفك
من دنيا فرعون ريسها
ليست هناك تعليقات:
إرسال تعليق